Pơhiăp klah čun mông jơnum, Khua dêh čar Phạm Minh Chính čih djă pioh bruă mă hmâo lu tơlơi pơplih phrâo tơdơi kơ mông jơnum tal 3 mơng Grŭp črâo ba, Khua dêh čar bơni hơdôm plơi pla lăng hrom hmâo laih lu tơlơi gir run amăng pok pơhai bruă mă.

Biă ñu, Hà Nội, ƀôn prong Hồ Chí Minh hăng hơdôm grŭp hyu mă bruă hmâo gir run pok pơhai 2 rơwang bruă guai 3 ƀôn prong Hồ Chí Minh hăng guai 4 plơi prong jưh jom, biă ñu hmâo ngă tui khut khăt laih, hmâo akô̆ tlôn bruă pơsir anih pioh man pơkra, hơneč mă tơlơi tŭ ư mơng mơnuih ƀôn sang. Hơdôm bôh tơring čar Đồng Tháp, Hậu Giang, Cà Mau, Đồng Nai... ăt pok pơhai klă mơn bruă anai. Ră anai, anăn rơwang bruă yôm phăn lŏn ia, phun bruă jơlan nao rai dŭ pơgiăng hmâo 21 rơwang bruă prong hăng năng ai ñu 70 rơwang bruă pơpha./.