Jơnum anai hơmâo pơgôp hiăp kơ 8 mơta tơlơi. Lăp đing nao lĕ Hră lăi pơthâo glăi bruă wai lăng: “Bruă ngă tui jơlan hơdră ngă bruă, tơlơi phiăn kơ đĭ kyar hăng mă yua mơnuih mă bruă djơ̆ hăng tơlơi kiăng đĭ kyar bơwih ƀong huă - mơnuih mơnam, biă ñu lĕ mơnuih mă bruă rơgơi”; pơplih Jơlan hơdră čih pơkra tơlơi phiăn thun 2025; pơgôp hiăp kơ bruă pơtum glăi Jơnum lok 9 hăng tơlơi pơgôp hiăp blung a kơ bruă prăp lui Jơnum lok 10...

Khua git gai pơ ala mơnuih ƀôn sang dêh čar lăi, hrơi blan pơ anăp jing hơdôm blan dŏ glăi mơ̆ng Ƀirô khua pơ ala mơnuih ƀôn sang dêh čar tal 15, hơdôm anom bruă pơ ala mơnuih ƀôn sang khŏm ngă hrŏm kjăp hăng Kơnuk kơna, hơdôm anom bruă bơdjơ̆ nao, pơƀut ngă giong bruă hơmâo jao amăng jơlan hơdră, akŏ bruă ba tơbiă mơ̆ng thun 2025 hăng abih rơwang bruă./.