Lăi pơthâo hăng grup mă bruă, khua mua tơring čar Cao Bằng brơi thâo: thun 2022, rơnoh đĭ kyar mơng tơring čar hơmâo 5,04%, mrô sang anŏ rin trun 4,29%; bruă pơgang lŏn ia rơnuk rơnua plơi pla hơmâo wai lăng kơjăp; bruă akŏ pơdong Ping gah hăng anom bruă čar hơmâo ngă kơjăp mơn. thun 2023, tơring čar amra hơmâo lu hơdră pơsir bruă tơnap tap amăng bơwih ƀong, pơkra gơnam, laih anun pơƀut ngă hơdôm ring bruă, kơčăo bruă yôm phun, amăng anun hơmâo jơlan rơdêh đuăi hmar Đồng Đăng - Trà Lĩnh...

Khua anom bruă pơgang hưp ham ƀong kông ngăn dêh čar ơi Phan Đình Trạc kiăng tơring čar Cao Bằng hơmâo hơdră pơsir hĭ hơdôm tơlơi dŏ đom, biă ñu gah bruă jơlan nao rai; lăng yôm bruă ĕp mơnuih mă bruă rơgơi; pơtrut kiăng brơi prăk tuh pơ plai bruă kơnuk kơna jao laih anun ngă pơhưč tuh pơ plai, biă ñu bruă bơwih ƀong ƀơi bah amăng jang, pơđĭ kyar tuai hyu ngui; pơđĭ tui klă hloh bruă mă mơng hơdôm anom bruă wai lăng hưp ham ƀong kông ngăn; pel ĕp, wai lăng, pơtrut ngă tui hơdôm tơlơi pơkă kơ bruă hưm ham ƀong kông ngăn; bruă pơsir kơđi hưp ham ƀong kông ngăn; ngă klă bruă pơplih phrâo tơlơi phiăn.