Hlâo kơ hrơi jơnum lok 5, Khua pơ ala mơnuih ƀon sang dêh čar tal XV, tom brơi (11/5), Khua mua pơ ala mơnuih ƀon sang tơring čar Lâm Đồng bưp mơnuih ƀon sang ƀơi phươfng 9, plơi prong Đà Lạt (Lâm Đồng). Ding kơna Ding jum kơđi čar, Khua apăn bruă Ping gah, Khua anom pơphun bruă dêh čar Phan Đình Trạc hăng khua mua tơring čar Lâm Đồng nao jơnum hrŏm. Amăng mông bưp, mơnuih ƀon sang đăo gơnang hăng čang rơmang hơdôm tơlơi pơtrun kiăng pơtrut pơđĭ kyar bơwih ƀong huă-mơnuih mơnam amăng ƀon lan hăng lŏn ia.

Amăng hơdôm boh tơhnal rơkâo đĭ, mơnuih ƀon sang lêng pơdah tơlơi čang rơmang hơdôm ară jơlan rơdêh đuăi hmar Đà Lạt hăng hơdôm boh tơring čar kual gah Dơnung tañ pok pơhai, bruă dưm dăp man pơdong, tuh pơ alin man pơdong anih anom hơmâo đing nao ƀiă dong; tañ hơmâo jơlan gah pơhlôm ia yua amăng sui thun. Ơi Phan Đình Trạc, Ding kơna Ding jum kơđi čar, Khua apăn bruă Ping gah, Khua anom pơphun bruă dêh čar lăng yôm hơdôm tơlơi rơkâo đĭ mơng mơnuih ƀon sang hăng pơsit tong amra mơ-it nao anom bruă bơdjơ̆ nao.