Ƀơi mông ngă bruă, khua mua Ding jum ia jrao pơsit, hơdôm tơlơi dưi ngă amăng jơlan hơdră ngă hrŏm hăng Anom pơtô bruă Ping gah dêh čar rơwang thun 2021-2025. Tui anun, dua bơnah hơmâo ngă hrŏm lăi pơthâo tañ tơlơi pơhing, hră pơ-ar kơsem min yôm, biă ñu amăng bruă pơhlôm pơgang klin Covid-19. Pôr pơhing, iâu pơthưr pơtô ba mơnuih ƀon sang wai lăng, ngă kơjăp drơi jăn...Pơ ala kơ khua mua Ping gah, Kơnuk kơna, Khua anom pơtô bruă Ping gah dêh čar ơi Nguyễn Trọng Nghĩa hơmâo jŭ yap hơdôm tơlơi gir run, gum djru prong mơng anom bruă ia jrao hăng abih bang nai ia jrao, ơi ia jrao amăng thun blan rơgao. Laih dong mơ-it kơ abih bang ƀing khua, mơnuih mă bruă tơlơi hơ-ơč hiam klă amăng hrơi ngă lơphet 68 thun hrơi pioh kơ ơi ia jrao Việt Nam.

Khua anom pơtô bruă Ping gah lăi rơđah, anom bruă ia jrao amăng hrơi blan pơ anăp amra bưp ƀu ƀiă ôh tơlơi tơnap, tơlơi lông lăng; kiăng djŏp gưl ping gah, gong gai lăng ba lăp djơ̆ hăng anom bruă Ia jrao laih anun bruă wai lăng tơlơi suaih pral mơnuih ƀon sang. Mă yua hơdôm tơlơi hơmâo pioh man pơkra sang ia jrao, anih lăng ba tơlơi suaih pral mơng phun tơdŭ, lăng ba sui thun.