Jơnum pơkă hlâo pơphun amăng lơ 26/3 pơ̆ anăp, ƀơi Ƀirô mă bruă Kơnuk kơna. Khua dêh čar jao kơ Khua Ding jum Ping gah dêh čar mă yua Kơčăo bruă pơphun Jơnum bơkơtuai mơng Khua dêh čar hăng hlăk ai thun 2023; prăp lui tŏng ten hơdôm ƀut tơlơi tơña pơhlôm klă hăng djơ̆ pran jua ană mơnuih, lăi pơthâo tơlơi pơhing rơđah, djơ̆, tui bôh nik hmâo mơ̆ hlăk ai čang rơmang.

Bôh yôm bơkơtuai hmâo bruă ngă tui hơdră pơkă, hơdră bruă hăng hơdôm tơlơi pơkă mơng tơlơi phiăn pioh kơ hlăk ai; bruă mă mơng hơdôm ƀirô, khul grŭp bơdjơ̆ nao tơlơi dưi hăng bôh tŭ yua djơ̆ phiăn mơng hlăk ai; bruă mă, bruă gơgrong mơng hlăk ai amăng hrăm tui, mă bruă, pơhrăm drơi pô, gum hrom pơđĭ kyar bơwih ƀong - mơnuih mơnam hăng pơgang lŏn ia./.