Amăng mông jơnum, dua bơnah hmâo črông lô tŭ ư hrom, pơplih phrâo hơdôm tơlơi gum pơhiăp klah čun mơng dua Ding jum kơđi čar amăng tơlơi Pơkôl Kơčăo bruă gum hrom kơplah wah dua bôh dêh čar thun 2023 hăng amra pơphun pok pơhai ngă tui khut khăt dong mơng akô̆ thun mơtăm kiăng pơtrut gum hrom amăng abih bang hơdôm mơta bruă kơđi čar – pơtom hiăp – pơgang rơnuk rơnua plơi pla lŏn ia, tuh pơ plai – sĭ mơdrô.

Gah jơlan gah pơsit gum hrom pơ̆ anăp anai, dua bơnah hmâo tŭ ư đing nao ngă klă hơdôm tơlơi lăi pơtŏng hrom, tơlơi pơkôl mơng dua bơnah Ding jum kơđi čar, tơlơi tŭ ư hrom dua Gong gai dêh čar kơ Bruă gum hrom 10 thun rơwang 2021-2030 hăng Tơlơi pơkôl gum hrom 2021-2025 hăng hơdôm tơlơi pơkôl pơkon. Dua bơnah pơtŏng sit pran hăng lăi rơđah tơlơi kiăng djru nao rai tơdruă pơdŏng bruă bơwih ƀong rơngai, gơgrong pô hăng mut hrom jar kơmar dơlăm hăng ba glăi bôh tơhnal./.