Pơhiăp amăng mông jơnum, Khua dêh čar brơi thâo, tơlơi rô nao rai jĕ giăm giăng mah Việt Nam hăng dêh čar Bỉ hlăk pơđĭ kyar klă hiam laih anun ƀu pơdơi ôh pơđĭ kyar amăng djop bruă gah kơđi čar, bơwih ƀong huă, gru grua, pơtô pơjuăt….Ră anai, dêh čar Bỉ hơmâo prăk čih anăn rơkâo tuh pơ alin ƀơi Việt Nam truh 1,1 klai USD; prăk pơhrui glăi sĭ mơdrô mơ̆ng dua bơnah Việt Nam-Biwr hơmâo 5 klai USD thun 2022.

Khua dêh čar čang rơmang ƀing ngă bruă mơdrô mơ̆ng dêh čar Bỉ hăng kual Mi kô̆ ăt tuh pơ alin hăng lu hơdră, pơkra ming gơnam sĭ mơdrô….pioh pơtrut bruă mă sĭ mơdrô pơkra ming hơđong ƀơi Việt Nam; rơkâo kơ ƀing ngă bruă sĭ mơdrô dêh čar Bỉ hăng kual Mi kô̆ ăt tuh pơ alin hăng iâu pơthưr lu sang bruă sĭ mơdrô gơyut gơyâo tuh pơ alin mă bruă pơ Việt Nam.