Pơtŏng glăi tơlơi pơkă mơng kual ASEAN kơ hơdôm bruă hơmâo amăng kual, jar kmar hơdôm bơnah lăp đing nao, Khua dêh čar lăi kiăng pơgang tơlơi rơnuk rơnua, hơđong kơjăp, tơlơi rơngai rô nao rai pơ ia rơsĭ, rơngit adai ƀơi kual ia rơsĭ Ngŏ ƀrô jing tơlơi gêh gal, ƀrô jing bruă gơgrong mơng abih bang lŏn ia.

Khua dêh čar kiăng ASEAN, mah tơnap tap, kiăng gir kiăo tui bruă djru kơ Myanmar ngă djŏp “Tŭ ư hrŏm 5 mơta tơlơi” yua kơ mơnuih ƀon sang Myanmar, thâo gum pơgôp, hơmâo kơdrưh, rup hiam mơng ASEAN, laih anun yua tơlơi čang rơmang mơng jar kmar; dong yua Khua git Indonesia hăng Khua djru bruă pơtrut tui tơlơi gơgrong bruă nao hlâo, ba jơlan ASEAN ngă hơdôm mơta tơlơi kiăng ngă hơmâo lăi nao. ASEAN kiăng lăng bruă djơ̆ lăp, dưm kơnar, gơgrong bruă amăng kơđi tơlơi Nga - Ukraine, ngă hrŏm hăng ƀing gŏp, plai ƀuă tơlơi kơsung blah amăng kual, gum pơgôp tơlơi rơngai, hơđong kơjăp, ngă hrŏm hăng đĭ kyar.