Tơdơi kơ 1 thun pok pơhai Kơčăo bruă mrô 06 hăng pơƀut bruă mă abih bang mơ̆ng Jơnum min dêh čar pơblih ba yua mrô hơmâo ba glăi boh tơhnal tŭ yua, tơlơi thâo hluh hăng bruă ngă mơ̆ng dêh čar ƀuh hiam klă tui, hơmâo tơlơi bang bơngač kơtang ngă bruă ƀơi djop gưl, djop gơnong bruă, tơring čar, plơi pla, boh nik ñu mơnuih ngă khua; Bruă mă čih pơkra tơlơi phiăn pioh mă bruă, jơlan hơdră, ngă gêh găl pơblih mrô hơmâo lu khua mua đing nao, git gai brơi ngă tui tŭ yua, abih bang djop sang bruă ding jum, anom bruă, tơring čar hơmâo pơkra hơdră mă bruă, akŏ bruă tum teč, brơi pơblih  ngă tui yua mrô amăng 5 thun.

Biă mă ñu, Ding jum kông an pok pơhai jŭ yap mrô djă pioh gưl dêh čar, wai lăng mơnuih ƀôn sang, plơi pla anih dŏ, kiăng djop bruă yua mrô tañ hloh. Pơhiăp ƀơi mông jơnum, pơ ala kơ kơnuk kơna dêh čar, ơi Phạm Minh Chính Khua dêh čar bơni biă mă djop tơlơi gir run mơ̆ng djop sang bruă, hơmâo boh tơhnal ngă bruă tŭ yua; Khua dêh čar lăi, thun 2023 mông gêh găl hăng tơnap tal lông lăng ăt dŏ, samơ̆ tơlơi anun amra lu hloh. Bruă mă pơblih yua mrô mơ̆ng dêh čar amra gleh glar hloh, kiăng ƀing ta khom khut khăt gir run pran jua mă bruă kiăng ngă giong sit nik.