Tal nao čuă Singapore mơng Khua dêh čar ơi Phạm Minh Chính pơphun amăng hrơi blan tơlơi rô nao rai Việt Nam - Singapore glăk pơđĭ kyar hur har kơtang hloh amăng djop mơta bruă. Thun 2023, dua boh dêh čar hơdor glăi 50 thun akŏ pơjing bruă pơtom hiăp hăng 10 thun akŏ pơjing tơlơi ngă hrŏm yôm phăn. Singapore ba jơlan hlâo amăng kual ASEAN hăng tal 2 amăng 141 boh dêh čar hăng kual lŏn tuh pơ alin prong hloh ƀơi Việt Nam  hăng rơbêh 3.000 akŏ bruă glăk dŏ ngă tui hăng abih tih prăk tuh pơ alin 70 klai đôlar Mi.

Tal nao čuă mơng Khua dêh čar ơi Phạm Minh Chính kiăng pơsit tong glăi bruă ngă hrŏm bơwih ƀong Việt Nam - Singapore hrưn đĭ phrâo dong amăng hrơi blan hơdôm tơlơi pơkôl sĭ mơdrô rơngai (FTA) rơnuk phrâo hơmâo mut hrŏm mơng Việt Nam hăng Singapore dưi mă yua hăng glăk pok pơhai, amăng anun hơmâo tơlơi pơkôl ngă hrŏm djop mơta hăng pơplih phrâo amăng kual Thái Bình Dương (CPTPP), tơlơi pơkôl ngă hrŏm bơwih ƀong huă djop mơta amăng kual (RCEP).