Rơwang bruă Jơlan tô nao rai kual Hòa Bình – Hà Nội hăng Jơlan đuăi hmar Sơn La črăn Hòa Bình – Mộc Châu hăng abih bang prăk mă yua 4.120 klai prăk hăng rơwang ataih giăm truh 50km amra jing jơlan guai yôm phăn, tô nao rai hơdôm jơlan rô nao rai, ngă giăm hloh bruă nao rai tui jơlan Hà Nội – plơi prong Hòa Bình – Kim Bôi, kơtưn bruă tô nao rai, sĭ mơdrô hơdôm bôh tơring čar Hà Nam – Hoa Bình – Phú Thọ - Sơn La hăng hơdôm jơlan nao rai gah dêh čar.

Pơhiăp amăng mông ngă lơphet, Khua dêh čar Phạm Minh Chính rơkâo, hăng hơdôm mơnuih gơgrong bruă pơkra, pô lăi pơthâo lăng tui khom ngă tui hăng dưi tơlơi rơkâo ba tơbiă hăng bruă ngă tui Rơwang bruă lĕ pơhlôm rơnoh bruă. Khua dêh čar rơkâo Ding jum jơlan nao rai dŭ pơgiăng, hơdôm ding jum gơnong bruă bơdjơ̆ nao gum hrom kơjăp hăng tơring čar Hòa Bình kiăng hmao djru, pơtô brơi tơdah kiăng, pơhlôm bruă pok pơhai ngă tui Rơwang bruă djơ̆ rơnoh, anô̆ klă tui tơlơi pơkă./.