Pơhiăp lơ̆m čơkă mơak hăng khua mua 19 group bơwih ƀong huă prong dêh čar Khač amăng bruă pơđĭ kyar mơtah mơda, ba yua mrô hăng ƀing pơ ala nao jơnum bơkơtuai, Khua dêh čar ơi Phạm Minh Chính lăi pơtong, Ping gah, kơnuk kơna Việt Nam lăng yôm bruă pơđĭ kyar giăng mah pŭ ƀăng hăng dêh čar Khač hăng tơlơi kiăng tơpă đôč, ruah mă bruă mă yôm hăng đing nao hlâo amăng abih bang jơlan hơdră pơtom hiăp mơ̆ng Việt Nam.

Laih anun lăi pơtong, tal bơkơtuai anai sa yak mă bruă pok pơhai rơđah rơđong hloh tơlơi thâo hluh hrŏm mơ̆ng khua mua ping gah, kơnuk kơna dua boh dêh čar, brơi kơtưn bruă ngă giăng mah yôm phara Việt Nam-Khač, djru hrŏm akŏ pơdong kah pơpha nao rai bruă mă kơñ pơgi Việt Nam hăng Khač hơmâo boh tŭ yua yôm, Khua dêh čar čang rơmang ƀing ngă bruă sĭ mơdrô dêh čar Khač hrŏm hăng khua mua ding jum, anom bruă gah Việt Nam bưp nao rai pơčrong sai tơpă anŏ kiăng, rơkâo đĭ tơlơi ƀuh, pơdah thâo anŏ pơčeh phrâo tŭ yua kiăng ngă anŏ tơmeh phun pơtrut bơwih ƀong huă, sĭ mơdrô, tuh pơ alin kiăng jai hrơi tŭ yua sit nik tong ten hloh.