Pơhiăp ƀơi mông bưp, pơ ala kơ khua mua Ping gah, Kơnuk kơna, Khua dêh čar ơi Phạm Minh Chính pơsit, pơpŭ bơni, hăng bơni hơ-ơč kơ hơdôm boh than hơmâo ngă, tơlơi gum djru prong mơ̆ ƀing tha plơi, khua plơi, mơnuih kơhnăk, mơnuih ană plơi kơnang amăng đơ đam dêh čar ta lăi hrŏm hăng ƀing pơ ala brơi ƀơi mông bưp anai hơmâo ngă amăng hrơi blan rơgao.

Khua dêh čar lăi, gru grua boh thâo đưm jing anŏ hiam hloh, phun hloh mơ̆ng djuai ania, mơ̆ng mơnuih mơnam, mơ̆ng rim čô mơnuih. Gru grua nao hrŏm hăng djuai ania, boh thâo ia rơgơi hăng djơ̆ hăng abih bang mơnuih. Gru grua khŏm hơmâo tŭ mă, pơtrut pran jua yua hơmâo mơ̆ng abih bang mơnuih. Thun blan pơ anăp, Khua dêh čar ta kiăng Ding jum gru grua boh thâo tuai čuă ngui hăng hơdôm ding jum, anom bruă pơđĭ tui tơlơi pơmin, čih pơkra giong tơlơi phiăn, pơtrut đĭ tơlơi dưi amăng pơđĭ kyar gru grua; anăp nao bruă pơtô hăng pơjuăt gru grua hiam mơ̆ng đưm hlâo.