Khua dêh čar ơi Phạm Minh Chính pơsit tong, hăng pran jua giang mah gru grua hăng ngă hrŏm kjăp, Việt Nam amra pơlăi nao rai tơlơi găn rơgao, djru brơi Timor Leste tañ jing ding kơna tal 11 amăng kual ASEAN.

Dua bơnah tŭ ư amra pơtrut pơbưp nao rai khua mua hăng djop gưl, pok pơhai tŭ yua hơdôm tơlơi pơkôl hơmâo kĭ; hăng dŏ lu tơlơi gal kiăng kơ ngă hrŏm, sit biă ñu amăng sĭ mơdrô-tuh pơ alin, hăng tŭ ư ngă gêh gal brơi anom bơwih ƀong sĭ mơdrô dua bơnah dưi bơwih ƀong, mă bruă tŭ yua ƀơi dua boh dêh čar. Dua čô khua ăt tŭ ư pơtrut ngă hrŏm gru grua, tuai čuă ngui, pơtô pơjuăt, pơbưp nao rai mơnuih ƀon sang kiăng kơtưn pơlir hơbit; pok prong amăng hơdôm bruă phrâo anun lĕ pơplih yua boh thâo phrâo, pơđĭ kyar mơtah, bơwih ƀong rô nao rai.