Ƀơi mông bưp, ơi Phạm Minh Chính pơsit kiăng ngă dlăm hloh tơlơi rô nao rai anai, ba glăi tơlơi klă hiam kơ mơnuih ƀon sang, djru ngă rơnuk rơnua, hơđong kơjăp amăng kual. Dua bơnah tŭ ư bơbưp nao rai khua mua prong hăng djŏp gưl, amăng anun lăi pơthâo nao rai tơlơi thâo thăi git gai ngă bruă mơng hơdôm Ping gah ngă akŏ, pơbưp mơnuih ƀon sang.

Dua čô khua pơsit gir amra tañ ba mrô sĭ gơnam dua bơnah hơmâo 10 klai dolar Mi hluai tui bruă ngă gêh gal, amuñ brơi pok bah amăng sĭ mơdrô hơdôm gơnam ba sĭ lu hloh mơng dua bơnah. Khua dêh čar ơi Phạm Minh Chính pơsit Việt Nam amra brơi braih tui jơlan đĭ kyar, sui thun, hơđong hăng nua găp ƀrô kơ Philippines, mơng anun djru Philippines pơhlôm hơđong braih apiăng.