Pơhiăp ƀơi mông bưp, Khua dêh čar ơi Phạm Minh Chính lăi pơthâo hăng mơnuih ruah khua tơlơi pơhing bơwih ƀong huă amăng dêh čar hăng ƀơi rŏng lŏn tơnah, tơlơi tơnap tap, lông lăng bơbeč djơ̆ hăng anŏ ba truh ngă gun hĭ amăng tơlơi hơdip mơda mơnuih ƀôn sang. Khua dêh čar lăi pơtong, hơdôm tơlơi tơña mơ̆ng mơnuih ruah khua lăp soh, kiăng pơsir djơ̆ pơ anăp anai.

Khua dêh čar pơčrâo brơi thâo 12 mơta tơlơi pơdjơ̆ nao abih bang bơwih ƀong huă mơnuih mơnam hăng pơsir bruă sĭ mơdrô mơ̆ng lu khul bruă mơnuih ruah khua đing nao, amăng anun lăi pơtong brơi pơsir hơdôm tơlơi tơnap tap lông lăng kiăng găn rơgao hĭ, ngă tui khut khăt tơhnal pơtrun kiăng hơđong tơlơi bơwih ƀong huă prong, pok pơhư bruă mut phung, ngă hrom jar kmar. Ăt amăng mông bưp mơnuih ruah khua mơ̆n, Khua dêh čar ơi Phạm Minh Chính hăng grup khua mua pơ ala mơnuih ƀôn sang dêh čar ƀơi Cần Thơ hơmâo ba gơnam djru kơ 300 čô mơnuih mut phung hăng mơnuih ngă kông ñơn tơnap tap .