Tơdơi kơ hmư̆ hơdôm tơlơi gum pơhiăp, pơhiăp amăng mông jơnum, Khua dêh čar ơi Phạm Minh Chính brơi thâo, ƀơi kual Kơdư dêh čar, hơdôm kual pơsur pran jua, hơdôm rơnoh đĭ kyar dŏng amăng kual lŏn dăo ia krông Hồng, ră anai hmâo sa bôh tơdrŏn rơdêh por mă yua dua mơta, djru pơgang rơnuk rơnua plơi pla, pơgang lŏn ia, pơđĭ kyar rah bruă bơwih ƀong mơnuih mơnam, hrŏ trun bruă dŭ pơgiăng kơ tơdrŏn rơdêh por Nội Bài.

Khua dêh čar lăi rơđah, phrâo rơgao hmâo pơphun rơwang 1 mơ̆ng tơdrŏn rơdêh por Gia Bình, Bắc Ninh samơ̆ kiăng pơkrem hrơi mông pran mă bruă, ngăn rơnoh lĕ khom pơkă tơdrŏn rơdêh por jar kơmar kiăng djơ̆ tui tơlơi pioh pơđĭ kyar, pơgang lŏn ia plơi pla. Yua anun, khom kơsem min hmao tlôn pok prong hăng pok pơhai rơwang 2 lơm glăk pơdŏng pơkra rơwang sa, bĕ rơngiă hrơi mông, pran mă bruă, ngăn rơnoh. Khua dêh čar rơkâo kơsem min anăp jơlan hăng jơlan gah tô nao rai hăng plơi prong jưh jom Hà Nội hăng tơlơi pơmin khom tô tañ hloh, tơpă hloh, ba glăi bôh tơhnal hloh./.