Bơni hơ-ơč kơ abih bang mơnuih ƀôn sang phrâo găn rơgao sa bơyan ngă yang thun phrâo ƀong têt Ất Tỵ 2025 mơak mơai, rơnuk rơnua, khăp pap, tơpă ară, hơđong ‘Amăng lam pơđao, gah rơngiao mơak”, djop sang hơmâo têt, đơ đam dêh čar ƀong têt hiam klă, Khua dêh čar bơni biă mă, bruă prăp brơi têt kiăng pơhlôm mơak, dưi ngă djơ̆ tơhnal pơkă trơi pơđao, thâo pơkrem, khăp pap, mơnuih ƀôn sang hơđong, rơnuk rơnua huăi hơmâo tơlơi rung răng hơgĕt ôh; djop sang anŏ hơmâo têt, djop djang anih ƀong têt mơak amăng dêh čar ngă djơ̆ tơhnal pơkă tui hăng tơlơi git gai mơ̆ng khul apăn bruă ping gah dêh čar hăng Kơnuk kơna, Khua dêh čar pơtrun; pơjing rai tơlơi hok kơdok pơtrut pran jua, tơlơi gur har kơ djuai ania ta yak nao amăng thun phrâo 2025 kơjăp hơđong.

Khua dêh čar brơi thâo, pơ anăp anai lĕ ping gah amăng kơnuk kơna jơnum blung a thun phrâo; brơi djop ding jum, anom bruă, tơring čar, ƀôn prong amăng dêh čar ngă tui djơ̆ 13 mơta bruă phun yom hloh hăng 67 mơta bruă rơđah rơđong tum teč kiăng abih bang djop ding jum, anom bruă, sang bruă djop tơring čar pok pơhai sa amăng plĕ tơdơi kơ ƀong têt ngă yang thun phrâo pơđut; tuh pơ alin bruă čar, ngă pơgiong  hơdôm kơčăo bruă pơprong hlăk dŏ ngă aka ƀu giong gưl dêh čar; pơsir khut khăt, tŭ yua dăp glăi, pơpha bruă mă phrâo ngă hơbôt ƀiă mơnuih apăn bruă amăng kơnuk kơna; đing nao bruă pơgang tơlơi rơnuk rơnua hơđong; ngă tui jơlan hơdră djru mơnuih mơnam tơnap tap, pơtrut bruă pơkra ming gơnam tam sĭ mơdrô, bơwih ƀong huă; pơsir bruă mă, kơtưn ngă giong tơhnal pơkă pơđĭ kyar thun 2025 mơ̆ng 8% pơngŏ adih.