Mơguah lơ 12/2, ƀơi plơi prong Hạ Long tơring čar Quảng Ninh, Khua dêh čar ơi Phạm Minh Chính git gai Jơnum pơphun bruă ngă tui Tơlơi pơtrun mrô 30 mơng Ding jum kơđi čar kơ pơđĭ kyar bơwih ƀong huă mơnuih mơnam hăng pơhlôm bruă tơhan pơgang lŏn ia, rơnuk rơnua kual lŏn dăo Ia krông Hồng laih anun Pơtrut tuh pơ plai kual hơmâo anăn “Pơtruh nao rai pơđĭ kyar - pơplih tơlơi pơčeh phrâo - Mơtah hăng Hơđong kơjăp”. Pơhiăp ƀơi mông jơnum, Khua dêh čar ơi Phạm Minh Chính lăi, bruă mă yua đut tơhnal tơlơi gêh gal či đĭ kyar tañ, hơđong kơjăp kual lŏn Ia krông Hồng jing kual pơđĭ kyar yôm phun, gơgrong bruă ba jơlan pơplih glăi tơlơi bơwih ƀong hăng pơplih hơbô̆ bruă pơđĭ kyar mơng lŏn ia.

Khua dêh čar kiăng hơdôm ding jum, anom bruă, biă ñu hơdôm boh tơring čar amăng kual ngă tui djơ̆ hơdôm tơlơi hơmâo lăi nao amăng tơlơi pơtrun, amăng anun lăi nao bruă ngă phun, ngă khut khăt, tŭ yua djŏp bruă hơmâo jao, pơđĭ kyar tui tơlơi pơtrun mơng Ping gah, mơng Ƀirô khua git gai pơ ala mơnuih ƀon sang; hơdôm hơdră ngă bruă, tơlơi git gai mơng Kơnuk kơna, Khua dêh čar ta kiăng.