Amăng mông jơnum, ƀing khua mua lăi tơpă hơdôm boh than dưi ngă, tơlơi pơhrăm glăi hăng hơdôm tơlơi aka ƀu klă amăng hơdôm črăn tơlơi phiăn dŏ lu tơlơi gun, sit biă ñu lĕ blơi gơnam tam, bơkơtưn blơi ia jrao, pơlir bơwih ƀong sĭ mơdrô pơlir hơbit, wai lăng, mă yua kông ngăn dêh čar. Bruă mă mơng hơdôm anih anom ia jrao, bruă wai pơgang aka ƀu klă; dŏ ƀuh kơniă ƀơi hơdôm boh sang ia jrao pơprong.

Đĭ pơhiăp amăng mông jơnum, Khua dêh čar ơi Pham Minh Chính pơpŭ bơni hơdôm boh than dưi ngă mơ̆ gơnong bruă ia jrao amăng thun blan laih rơgao, mơ-it tơlơi pơpŭ hiam klă hloh tơl abih bang nai ia jrao ƀrô hrơi pioh hơdor lơ 27/2. Pơ anăp anai, Khua dêh čar rơkâo gơnong bruă ia jrao tŏ tui gru grua hing ang, ngă tui tŭ yua hơdôm tơlơi črâo trun, hơdră bruă mơng Ping gah kơ bruă wai pơgang, bơwih brơi tơlơi suaih pral kơ mơnuih ƀon sang hăng bruă mrô mơnuih mơnuih amăng rơnuk phrâo. Khua dêh čar ăt lăi rơđah hơdôm anŏ aka ƀu klă, tơnap tap, tơlơi lông kiăng pơsir hĭ khut khăt.