Khua dêh čar rơkâo ƀing khua mua đing nao pel ĕp bruă pok pơhai man pơkra, lăng glăi bruă pơsir tơnap tap, gun găn lơm pơphun man pơkra, sit biă ñu bơdjơ̆ nao bruă pơhrui glăi lŏn mơnai. Djop mơta yua kơ tơlơi dưi lŏn ia, djuai ania, yua tơlơi dưi kơ mơnuih ƀôn sang, Khua dêh čar rơkâo djop ding jum, gơnong bruă, gong gai ƀon lan gum hrŏm đing nao pơtrut man pơkra brơi kơ djơ̆ hrơi mông, kjăp hloh, pơhlôm wai pơgang jum dar, rơnuk rơnua brơi mơnuih mă bruă.

Djop ding jum, gơnong bruă, gong gai ƀon lan jak iâu gum hrŏm mơng djop anih anom, ƀing mơnuih, anom bơwih ƀong sĭ mơdrô gum hrŏm pok pơhai man pơkra hơdôm ară jơlan yôm phăn amăng dêh čar, akŏ phun mơng gơnong bruă wai lăng jơlan glông, kar hăng bruă gum hrŏm pơkra glông hrĕ apui lơtrik 500 kV ară 3 mơng Quảng Trạch - Phố Nối, pơphun tal pơplông 500 hrơi mă bruă kiăng pơgiong hơnong pơkă đơ đam dêh čar hơmâo 3.000 km jơlan rơdêh đuăi hmar amăng thun 2025.