Kơ-iăng Khua dêh čar ta ơi Vũ Đức Đam, Khua Ding jum bôh thâo bơkơjăp drơi jăng hăng tuai čuă ngui Nguyễn Văn Hùng git gai hrom mông jơnum. Nao pơhmư̆ hrom hmâo Khua mua hơdôm ding jum, gơnong bruă hăng dưi tô nao rai mơng ataih truh pơ̆ 63 bôh tơring čar, ƀôn prong amăng đơ đam dêh čar. Mơng blan 3/2021, Việt Nam hmâo pok glăi laih abih bang hơdôm bruă tuai čuă ngui.

Khă pok amăng čơkă tuai mơng dêh čar tač rơngiao tañ hloh bơhmu hăng lu bôh dêh čar amăng kual samơ̆ bruă mă yua tơhnal gal anai kiăng pơđĭ kyar ƀu kơjăp đơi ôh, akă ngă pơhư̆č lu tuai hyu čuă ngui klă; mrô tuai rai pơ̆ dêh čar Việt Nam akă kah hăng čang rơmang, phrâo hmâo mă năng ai ñu 42% đôč pơhmu hăng kơčăo bruă ba tơbiă. Pơhiăp amăng mông jơnum, Khua dêh čar ơi Phạm Minh Chính lăi rơđah, tuai čuă ngui lĕ sa bruă bơwih ƀong yôm phăn, djru jai hrơi jai prong amăng bruă bơwih ƀong mơng lu dêh čar; khom hmâo tơlơi pơmin phrâo, hơdră ngă juăt phrâo, tui jơlan gah “Lăi pơthâo hơdôm bruă tuai kiăng čuă ngui ƀu djơ̆ kơ hơdôm anô̆ ƀing ta hmâo hơđăp đôč ôh”./.