Truh ră anai, jơlan hơdră hmâo ngă giong, jao laih rơbêh kơ 44 rơbâo bôh sang dô̆ pioh hơdôm bôh sang anô̆ dưi dô̆ amăng sang phrâo; hrŏm hăng anun glăk pơdŏng rơbêh kơ 34 rơbâo bôh sang. Truh ră anai đơ đam dêh čar dô̆ năng ai ñu 240 rơbâo bôh sang tơ̆i kiăng đing nao pơdŏng, pơkra glăi pioh pơkra giong mơ̆ng ră anai truh rơnuc thun 2025.

Pơ ala kơ ƀô̆ mơta Grŭp črâo ba, Khua dêh čar ơi Phạm Minh Chính djă pioh, pơsit yôm hăng bơni Ding jum wai lăng mơnuih mă bruă, tơhan rơka ruă hăng mơnuih mơnam, Ding jum khul ling tơhan, Ding jum kông ang, hơdôm ding jum, ƀirô, tơring čar, ƀôn prong hmâo gơgrong hlâo, ngă klă ba glăi bôh tơhnal hơdôm bruă jao, jơlan pơsir hmâo ba tơbiă, djru hơdôm bôh than yak blung a klă mơ̆ng Jơlan hơdră. Khua dêh čar ơi Phạm Minh Chính lăi rơđah, bruă ngă giong lŏm lui sang tơ̆i sa bruă mă kơđi čar phara yôm phăn hmâo pơdah rơđah laih amăng hơdôm Klah čun, Tơlơi pơtrun pơsit, črâo ba mơ̆ng Ping gah dêh čar, Ding jum kơđi čar, Grŭp ding kơna git gai Ping gah, Khua pơ ala mơnuih ƀôn sang, Gong gai dêh čar, Khua dêh car, anăp nao hơdor glăi hơdôm hrơi ngă lơphet prong amăng thun 2025 hăng bơkơtưn pơjing bôh than čơkă mơ-ak Jơnum Ping gah hơdôm gưl, anăp nao Jơnum Ping gah đơ đam dêh čar tal 14./.