Khua dêh čar ơi Phạm Minh Chính lăng yôm, tŭ yap hơdôm tơlơi pơgôp hiăp lăp djơ̆, gơgrong, thâo thăi mơng ƀing ding kơna Khul apăn bruă; rơkâo Ding jum pơphô bruă tŭ mă kiăng pơgiong akŏ bruă hlâo kơ rơkâo tơlơi pơgôp mơng Ding jum kơđi čar. Khua dêh čar lăi pơtong, bruă dưm dăp anih anom, pơlir hăng bruă dưm dăp anom mă bruă brơi hơbot, mă bruă klă, tŭ yua hơmâo Ping gah, Kơnuk kơna đing nao ngă tui hăng hơmâo tơlơi tŭ ư hrŏm.

Bruă dưm dăp anih anom kiăng ngă gêh gal brơi bruă pơđĭ kyar; ngă tui tơlơi gal, tơlơi dưi bơkơtưn mơng djop ƀon lan lăp djơ̆ hăng tơlơi gal pơđĭ kyar ră anai; pơdah pran ngă pô, gơgrong mă mơng djop gưl gong gai ƀon lan; sit biă ñu kiăng gong gai giăm mơnuih ƀôn sang ƀiă, pơsir hĭ hơdôm bruă mơng mơnuih ƀôn sang tañ ƀiă, gêh gal ƀiă; ba glăi tơlơi hơdip trơi pơđao yâo mơ-ak mơng mơnuih ƀôn sang.