Ƀrô tal anai, pơ ala brơi khua mua Ping gah, kơnuk kơna hăng mơnuih ƀon sang Việt Nam, Khua dêh čar pơpŭ bơni ƀing Khua sang anih jưh, Khua mua pơ ala hơdôm khul grup jar kmar ƀơi Việt Nam hăng mơ-it tơlơi bơni abih pran jua nao Kơnuk kơna hăng mơnuih ƀon sang hơdôm boh dêh čar, khul grup amăng jar kmar yua kơ lêng pơhlôm pran khăp pap, gum djru yôm phăn, sit nik, tŭ yua brơi kơ Việt Nam amăng thun blan laih rơgao.

Khua dêh čar čang rơmang hăng đăo gơnang ƀing khua sang anih jưh, khua mua pơ ala brơi khul grup jar kmar ƀơi Việt Nam amra tŏ ngă tui pran gơgrong ngă gong kjăp phik, ngă dơlăm tui tơlơi rô nao rai kơplah wah Việt Nam hăng hơdôm boh dêh čar, ba dêh čar Việt Nam jê̆ giăm jar kmar hăng ba jar kmar giăm ƀiă dong hăng Việt Nam.