Pơ ala kơ Kơnuk kơna, Khua dêh čar pơpŭ bơni, lăng yôm boh than hơmâo ngă mơ̆ng sang bruă prăk amăng hơdôm thun laih rơgao.

Lăi pơtŏng, thun 2025 yôm biă mă, hăng lu bruă yơyôm: pơđĭ kyar hmar, kơplong nao pơ anăp, ngă giong djŏp hơnong pơkă đĭ kyar bơwih ƀong huă mơnuih mơnam rơwang thun 2021-2025, Khua dêh čar kiăng sang bruă prăk kơnuk kơna pơtrut mă yua boh thâo ia rơgơi, pơplih yua mrô, plai ƀiă mă yua prăk apah đah mơ̆ng hrŏ trun prăk kơmlai brơi čan, pơƀut brơi čan kơ hơdôm anom bruă, jơlan hơdră kiăng djru hlâo kah hăng Jơlan hơdră pơđĭ kyar sang dŏ, lŏm lui sang ƀu rup, pioh prăk pioh tuh pơ alin, ba sĭ pơ čar rơngiao, blơi yua; ngă klă hloh dong bruă pôr pơhing hơdră djru; ngă giong tơlơi phiăn, pơhlôm abih bang dưm kơnar hăng akŏ pơjing anih đĭ kyar kơ mơnuih ƀôn sang, anom bơwih ƀong.