Khua dêh čar ơi Lý Hiển Long hok mơ-ak čơkă Khua dêh čar ta ơi Phạm Minh Chính nao čuă sit nik Singapore; lăi pơtong tal nao čuă pơgôp pơtrut kơtang tơlơi rô nao rai ngă hrŏm hiam klă kơplah wah dua boh dêh čar. Dua čô khua lăng yôm hơdôm tơlơi pơđĭ kyar yôm phăn kơplah Việt Nam - Singapore amăng bruă dua bơnah hăng djop bơnah.

Kơ bruă yôm phun ngă hrŏm pơ anăp anai, dua čô khua tŭ ư ƀu pơdơi pơtrut ngă hrŏm bơwih ƀong huă; pok pơhai tŭ yua hơdôm tơlơi pơkôl ngă hrŏm, ngă gêh gal brơi bruă pok pơhai ngă hrŏm amăng hơdôm bruă phrâo hăng tơlơi dưi anun lĕ bơwih ƀong mrô, bơwih ƀong mơtah hăng pơplih nao rai, pơčeh phrâo, apui lơtrik hơdjă, bong glăi ayuh hyiăng pơplih sat …Dua bơnah ăt tŭ ư amra pơtrut ngă hrŏm amăng bruă ling tơhan-wai pơgang rơnuk rơnua, tuai čuă ngui, pơbưp nao rai mơnuih ƀon sang, sit biă ñu lĕ kơplah wah hlăk ai dua bơnah.