Pơhiăp ƀơi mông jơnum, Khua dêh čar ơi Phạm Minh Chính pơdah thâo 5 mơta tơlơi lăi pơthâo kơnang kơ bruă mă yôm amăng anun lăi nao khom kơtưn gum pơgôp jar kmar, pơpŭ kơ bruă mă gum hrom lu bơnah, ngă hrom tong ten, tŭ yua hloh kơplah wah djop dêh čar.

Khua dêh čar lăi pơtong, tơlơi rô nao rai sĭ mơdrô kơplah wah EU hăng ASEAN jai hrơi pơđĭ kyar hlom bom prong hloh hăng tŭ yua, anun yơh djop dêh čar khom ngă pơgiong tơlơi phiăn, jing atur kơ tơlơi gêh găl djop sang bruă sĭ mơdrô kiăng ngă abih tơlơi thâo hăng tơlơi dưi pơčeh phrâo, glăm ba, pơtruh nao rai kơtang pioh ngă bruă kiăng ba glăi boh tơhnal hiam klă. Khua dêh čar lăi Việt Nam ngă tui sa jơlan hơdră anŏ kiăng pơtom hiăp rơngai, ngă pô hăng mă tơngan hăng lu dêh čar, yua tơlơi rơnuk rơnua, giăng mah, gum hrom hăng pơđĭ kyar.