Jơnum anai pơƀuh ƀô̆ mơta amăng tivi hăng 63 boh tơring čar, ƀôn prong amăng dêh čar. Pơhiăp ƀơi mông jơnum, Khua dêh čar ơi Phạm Minh Chính pơtrun hiăp pơ anăp anai, Ding jum Man pơphô hăng Tuh pơ alin kiăng ngă klă bruă jao kơ pô, pơđĭ tui tơlơi gơgrong jing anom bruă lăi pơthâo hăng Ping gah, lŏn ia, kơnuk kơna, ăt gir run hloh amăng bruă git gai anom bruă man pơphô hăng tuh pơ alin pơpha bruă bơwih ƀong huă amăng dêh čar, lăng tui tong ten tơlơi pơhing amăng kual hăng amăng rŏng lŏn tơnah, thâo krăn sit nik anŏ gêh găl, tơlơi lông lăng; kơtưn bruă lăi lui hlâo, pơhŭi hlâo, kiăng hơmâo hơdră prăp lui hmao kru pơthâo brơi hăng Kơnuk kơna dêh čar, khua dêh čar amăng bruă git gai, wai lăng hăng pok pơhai hơdôm hră pơtrun mơ̆ng Ping gah, khua mua anom bruă pơ ala mơnuih ƀôn sang dêh čar hăng Kơnuk kơna.

Hrom hăng anun, Khua dêh čar dŏ pơtă pơtăn, Ding jum man pơphô hăng Tuh pơ alin pơtrut kơtang pơblih yua mrô dêh čar amăng djop bruă wai lăng; pơtrut pơblih ngă pơar, kơtưn lăi pơthâo tong ten, tơpă ară, pơhaih rơđah rơđong.