Khua dêh čar brơi thâo, sang bruă prăk lĕ kơtăk drah ngă rô nao rai amăng tơlơi bơwih ƀong, kơtăk drah mơ̆ ƀu rô nao rai amra ngă hơdră prăk kak ƀu klă, hơdră prăk kak ƀu klă amra bơdjơ̆ nao bruă hơđong bơwih ƀong pok prong, bơdjơ̆ nao pơđĭ kyar. Thun 2025 lĕ thun yôm phăn biă mă, anai lĕ thun ngă tañ, kiăng gir run pơđĭ kyar GDP ƀiă biă mă ñu 8%.

Khua dêh čar rơkâo tŏ tui pơtrut hơdôm anŏ gal pơđĭ kyar tui hơđăp anun lĕ sĭ mơdrô pơ tač rơngiao, blơi yua gơnam hăng tuh pơ alin, rơkâo djop anom bruă đing nao kơsem min hơmâo dong rơnoh brơi čan brơi ƀing hlăk ai glăk kiăng sang dŏ. Hăng jơlan gah: Ngăn rơnoh mă mơng tơlơi pơmĭn hăng tơlơi yak nao, tơlơi pơtrut mơng pơplih phrâo hăng pơčeh phrâo, pran kơtang mơng mơnuih ƀôn sang hăng anom bơwih ƀong sĭ mơdrô, Khua dêh čar rơkâo lăng sang bruă prăk lĕ anih pơtrut kiăng ngă tui, tŭ mă djop tơlơi dưi phara, tơlơi gal yôm hloh, tơlơi dưi bơkơtưn, pơtrut pơsur phrâo amăng pơđĭ kyar lŏn ia.