Amăng mông bưp, 3 čô khua hơmâo pơlăi nao rai tơlơi sit nik ƀơi rĭm boh dêh čar, pơčrông sai hơdôm hơdră kiăng kơtưn gum hrŏm kơplah wah 3 bơnah amăng pơđĭ kyar bơwih ƀong huă-mơnuih mơnam, kah hăng hơdôm bruă amăng jar kmar hăng amăng kual tlâo bơnah đing nao.

3 čô khua tŭ ư gum hrŏm pơtrut pơjing tơlơi bơwih ƀong huă rơngai, ngă pô pơlir hăng bruă mut hrŏm jar kmar djop mơta; kơtưn pơlir hơbit tu yua amăng tơlơi bơwih ƀong huă, lăng anai lĕ hơdôm tơlơi kiăng đing nao hloh mơng 3 bơnah pơ anăp anai. 3 čô khua tŭ ư amra tŏ tui pơbưp nao rai dua bơnah, tlâo bơnah na nao, amăng anun hơmâo bruă gum hrŏm tañ pơphun Jơnum khua mua pơprong ƀơi kual 3 bơnah pơđĭ kyar Kur-Lao-Việt Nam tal 12 ƀơi dêh čar Kur hăng pơtrut pok pơhai akŏ bruă pơlir bơwih ƀong huă Kur-Lao-Việt Nam truh thun 2030.