Tlam tom brơi 9/2, Khua dêh čar ơi Phạm Minh Chính mă bruă hăng khua mua phun tơring čar Quảng Ngãi kiăng lăng glăi boh than ngă tui bruă jao pơđĭ kyar bơwih ƀong huă mơnuih mơnam thun 2024 hăng pơčrông sai jơlan gah, bruă jao thun 2025, ngă gêh gal brơi Quảng Ngãi pơđĭ kyar tañ hloh, pơgiong klă hloh hơdôm hơnong pơkă ba tơbiă brơi rơwang thun 2020-2025.

Đĭ pơhiăp amăng mông mă bruă, Khua dêh čar ơi Phạm Minh Chính hơmâo lăi rơđah 8 bruă jao, hơdră bruă phun amăng anun lăi pơtong: Pok pơhai tơlơi pơtrun mrô 18 kơ bruă dưm dăp anih anom mă bruă hơbot, mă bruă tŭ yua, hrŏm hăng anun prap lui mơnuih apăn bruă brơi klă, lăp djơ̆ hăng pơphun klă jơnum Ping gah djop gưl, pơhlôm kiăng giong blan 2 kiăng blan 3 dưi ngă tui; đing nao pok pơhai ngă tui tơlơi pơtrun mrô 57 pơtrut mă yua boh thâo phrâo, pơlir hăng bruă pơplih mrô hăng ngă tui akŏ bruă mrô 06. Đing nao pơjing Ping gah mă bruă tơpă sit, anih anom bruă mă gum pơgôp, mut hrŏm, ngă bruă tơpă, ngă pô, tŭ yua; pơphun klă jơnum Ping gah djop gưl, anăp nao Jơnum Ping gah tal XIV.