Tal nao čuă jơmư sit nik anai mơ̆ng Khua dêh čar ơi Phạm Minh Chính nao pơ Ba Lan yom biă mă hăng bruă pơtrut ngă giăng mah dua boh dêh čar pơ anăp anai; jing anŏ gêh găl pioh kơ ƀing khua mua dua bơnah Việt Nam hăng Ba Lan bưp nao rai, pơčrong sai kơ bruă mă hơdai gum hrŏm, mơ̆ng anun akŏ pơjing tơlơi đăo kơnang hăng anŏ thâo hluh nao rai tơdruă dơlăm hloh, ngă tui tơlơi ƀuăn amăng bruă djă pioh laih anun pơđĭ kyar tơlơi pŭ ƀăn giăng mah rô nao rai sui thun hăng kơjăp hơđong.

Laih dơ̆ng djru hrŏm kơtưn đăo kơnang nao rai bruă kơđi čar, pơtrut hăng ba djop tơlơi či ngă hrŏm kah hăng bơwih ƀong huă, sĭ mơdrô, mă bruă apah, gru grua hiam, pơtô hrăm, pơtô bruă mă amăng črăn phrâo, dưi djop anŏ kiăng  ngă hrŏm pơđĭ kyar mơ̆ng rim boh dêh čar; pơtrut ngă hrŏm amăng bruă dua bơnah hơmâo tơlơi gêh găl, anŏ kơtang boh thâo ia rơgơi phrâo, tơlơi pơhing, pơkra ia jrao gun hăng pơblih anŏ pơčeh phrâo.