Kơčăo bruă anai glông ataih 76 km, găn nao amăng ƀôn prong Hồ Chí Minh, tơring čar Bình Dương, Đồng Nai, Long An, hăng anŏ prong păng jơlan anai djop 4 boh rơdêh nao sa amăng plĕ, đuăi hmar, yap anŏ prong abih bang truh 19,75 met. Kơčăo bruă anai rơnoh prăk tuh pơ alin 75 rơbâo 378 klai prăk yua prăk kơnuk kơna dêh čar hăng tơring čar ƀôn prong pơgôp hrom. Thun blan pơphun mă bruă mơ̆ng thun 2023, ngă giong hăng mă yua truh thun 2026.

Ƀơi hơdôm anih nao ĕp lăng, khua dêh čar rơkâo kơ 4 boh tơring čar hăng ƀôn prong ăt ngă hrom tong ten, ngă klă bruă prăp lui tuh pơ alin, boh nik ñu pơkă hnong ƀư̆ pơkra lơ̆m mă bruă kiăng djơ̆ hăng ling kač hăng bruă mă sit nik tơdơi anai; ngă klă bruă duh glăi lŏn mơnuih ƀôn sang anih djơ̆ hĭ jơlan čuk nao, gir run pơphun mă bruă mơtam mơ̆ng blan 6/2023 kiăng truh blan 6/2025 rơdêh dưi nao rai, laih anun ngă giong abih bang jơlan anai truh thun 2026.