Găn rơgao 45 thun. tơlơi rô nao rai ASEAN - EU pơđĭ kyar kjăp phik, hơmao lu anŏ tŭ yua. Thun 2021, ASEAN lĕ dêh čar sĭ mơdrô rơngiao kual EU prong tal 3 mơng EU lơ̆m anun EU lĕ dêh čar ngă gŏp sĭ mơdrô prong tal 3 mơng kual ASEAN hăng rơnoh sĭ mơdrô dua bơnah dưm dưm 286 klai 900 klăk đôlar Mi, Laih dong EU lĕ anom bruă tuh pơ alin mơng tač rơngiao prong tal 2 amăng kual ASEAN hăng abih tih 26 klai 500 klăk đôlar Mi.

Anăp nao pơgi kơdih anai, dua bơnah tŭ ư ngă dơlăm tui dong tơlơi rô nao rai ngă hrŏm akŏ pơjing 2020 hluai tui ngă tui tơlơi phiăn jar kmar, ngă hrŏm bơkơnar hăng ba glăi tơlơi dưi hrŏm, pơtrut hơkrŭ glăi, pơđĭ kyar mơtah hăng hơđong kjăp. Khua dêh čar ơi Phạm Minh Chính lăng yôm biă mă jơnum khua mua tal anai, pơđŏm glăi 45 thun tơlơi rô nao rai kơplah wah dua khul grup prong kơtang amăng rŏng lŏn tơnah. Khua dêh čar pơsit tong hơdôm ba than ba glăi mơng 2 khul grup ngă gêh gal hăng glăi pơtrut pơđĭ kyar tơlơi rô nao rai.