Thun 2022 bruă pơtom hiăp ba glăi lu tơlơi truh kih. Hơdôm hơdră pơtom hiăp hơmâo pơtruh djop mơta hăng abih bang hơdôm dêh čar pơprong hăng abih bang hơdôm boh dêh čar ngă gŏp akŏ phun, pơdah amăng giăm 70 bruă pơtom hiăp gưl glông mơng Khua mua Ping gah, kơnuk kơna, amăng anun hơmâo 14 tal nao čuă pơ 17 boh dêh čar; jơnum hrŏm 5 wŏt hăng jar kmar amăng jơnum djop bơnah; hơdôm rơtuh tal pơbưp dua bơnah hăng khua mua amăng rŏng lŏn tơnah; tŭ jum 19 grup khua mua pơprong mơng dêh čar tač rơngiao rai čuă Việt Nam.

Pơ ala brơi khua mua Ping gah, Kơnuk kơna, Khua dêh čar ơi Phạm Minh Chính tŭ yap, pơpŭ hăng lăng yôm hơdôm tơlơi gir run prong prin, abih pran jua hăng ba glăi tŭ yua yôm phăn amăng bruă pơtom hiăp lăi hrŏm hăng Ding jum pơtom hiăp hnun mơn, pơgôp yôm phăn amăng tơlơi dưi hrŏm đơ đam dêh čar thun 2022; pơdah tơlơi tŭ yua amăng pok pơhai jơlan gah pơtom hiăp hăng pran jua “Kiăng khăp, tơpă sit, đăo gơnang, bơkơnar, luă gŭ, tŭ yua, pơđĭ kyar hrŏm”.