Amăng thun laih rơgao, gơnong bruă ngă hmua hơmâo lu tơlơi dưi prong prin. Bruă bơwih ƀong ngă đang hmua, pla đang glai, rông akan hơdang ăt tŏ tui hơđong. Amăng anun bruă ngă hmua đĭ 3,36% pơhmu tui tơđar; sĭ mơdrô pơ tač rơngiao giăm 7 klăk tơ̆n braih hăng lu gơnam đang hmua pơkŏn dong hăng rơnoh pơhrui rơbêh 53 klai đôlar Mi.

Đĭ pơhiăp amăng mông jơnum, Khua dêh čar ta rơkâo, thun 2023, Ding jum ngă hmua hăng pơđĭ kyar ƀon lan hăng abih bang gơnong bruă ngă hmua, ƀon lan kiăng khin hơtai, ruah mă hơdôm bruă jao, hơdră pơplih phrâo. Amăng anun, kiăng pơtrut kơtang pơplih mă yua boh thâo măi mok, pơplih mrô hăng mă yua boh thâo phrâo, bơwih ƀong ngă đang hmua rơgơi; pơđĭ kyar ngă hmua hữu cơ, ngă hmua hơdjă; pơđĭ kyar tuh tia yua amăng ngă hmua, kah hăng pơkra gơnam tam, pơđĭ kyar hơdôm anih pơkra pơjing pơlir hăng kual ngă đang hmua, hơdôm hơdră ngă hrŏm, pơlir hơbit pơkra gơnam hrŏm hăng ba sĭ mơdrô amăng lŏn ia hăng tač rơngiao.