Thun 2022, Sang bruă prăk kơnuk kơna hơmâo ngă bruă ba glăi lu boh tơhnal tŭ yua yôm, amăng anun sang bruă prăk kơnuk kơna đing nao jŭ yap glăi, ngă pơgiong tơlơi phiăn pơkă kơ bruă prăk kăk hăng sang bruă prăk kiăng ngă giong bruă jao laih anun tŭ yua hloh; git gai jơlan hơdră wai lăng prăk kăk hơdeč hmar, djơ̆ lăp, hmao kru hăng jơlan hơdră pơkă kơ thun yua prăk kăk, lu jơlan hơdră pơkŏn, kiăng pơgôp hrom pơgăn tơlơi trun nua prăk kăk hăng djă hnong ngă hơđong tơlơi bơwih ƀong huă, pơtrut pơđĭ kyar lu hloh. Sang bruă prăk ăt ba akŏ hlâo amăng bruă pơblih yua mrô, djru pok pơhai tañ, tla prăk huăi yua prăk mơta, kiăng ngă djơ̆ tơlơi bơwih ƀong huă dêh čar.

Pơ ala kơnuk kơna, Khua dêh čar čih pioh hăng bơni kơ tơlơi gir run, pơsit pran jua mă bruă hăng boh tơhnal mơ̆ng sang bruă prăk hơmâo ngă giong laih amăng thun 2022. Khua dêh čar pơčrâo rơđah, thun 2023 lĕ thun yôm biă mă brơi anom bruă prăk ăt pơđĭ tui boh tŭ yua bruă mă, tui hăng pran jua mă bruă pơblih, pơčeh phrâo kiăng pơgăn tơlơi kơƀah, tơlơi tơdu; gir run klă hloh ngă tui bruă jao, tơlơi dưi amăng bruă; pơtrut kơtang pơblih phrâo mrô lir hơbit hăng pơđĭ boh tŭ yua bơwih bơwăng, pơgang hơđong, rơnuk rơnua.