Pơhiăp ƀơi mông jơnum, Khua dêh čar ơi Phạm Minh Chính lăi, Hră pơtrun jơnum ruah khua ping gah tal XIII hơmâo lăi rơđah laih, pơđĭ kyar lŏn ia hơđong kjăp kơnang kơ boh thâo ia rơgơi hăng anŏ pơčeh phrâo. Khua dêh čar lăi lĕ, kiăng kơsem min slogan mơ̆ng Anom bruă  anai lĕ pơtum mơnuih rơgơi kơhnâo hăng boh tŭ yua bang bơngač pơblih pơčeh phrâo Việt Nam. Kiăo tui kơ anun, Khua dêh čar ơi Phạm Minh Chính nao čuă Group tuh tia pơkra ming-Dăng kông ling tơhan Viettel hăng tơña kơ bruă kơsem min pơkra ming boh thâo ia rơgơi phrâo mơ̆ng Viettel.

Pơ anai, Khua dêh čar rơkâo Viettel ăt ngă klă hloh bruă lăng nao pơ anăp adih kiăng pok pơhai bruă mă ngă giong hnong jao. Amăng anun, khom pơtum man pơdong, pơkra ming bruă mă phun gah ling tơhan, boh thâo ia rơgơi, pơđĭ kyar bruă mă tuh tia pơkra ming djru wơ̆t bruă mơnuih ƀôn sang, djru ba tơlơi mă bruă mơ̆ng Việt Nam jing lŏn ia tuh tia pơkra ming măi mok pơđĭ kyar; ƀơi anăp lĕ bơwih brơi tŭ yua, pơblih yua mrô hăng anŏ phun akŏ pơdong kơnuk kơna mă bruă yua mrô, wai lăng mơnuih mơnam hăng mrô; djă bong kjăp tơlơi gơgrong amăng bruă pơblih phrâo yua mrô; akŏ pơjing bruă djă pioh mrô gưl dêh čar; kơtưn pơgang tơlơi rơnuk rơnua, hơđong amăng bruă pơkra ming hrĕ dăng kông, internet hơđong.