Hăng giăm 40 mơta bruă mă, na nao amăng 3 hrơi mơtam, tal hyu mă bruă mơ̆ng Khua dêh čar ơi Phạm Minh Chính hăng khua mua pơprong mơ̆ng dêh čar Việt Nam hơmâo pơđut laih, pioh glăi lu tơlơi hơdor pioh laih anun djru hrŏm yom biă mă kơ mông jơnum prong khua mua khul BRICS pok pơhư prong. Khua dêh čar hrŏm hăng 35 čô khua mua laih anun ƀing pơ ala kơ djop dêh čar, anom bruă amăng jar kmar hơmâo bơkơtuai tong ten laih anun tŭ yua sit nik kơ bruă kơtưn ngă hrŏm lu bơnah, hơdôm mơta tơlơi bơwih ƀong huă, prăk kăk hăng boh thâo ia rơgơi yua ană mơnuih pơjing rai; kơ bruă pơgang ayuh hyiăng hăng bruă ia jrao rŏng lŏn tơnah....

Hơdôm tơlơi bơ tŭ ư, pơkôl pơkă ƀơi mông jơnum, amra pơtrut ngă hrŏm tŭ yua hloh, pơgôp hrŏm bruă pơsir hĭ tơlơi lông lăng kơ bruă pơđĭ kyar hơđong kơjăp mơ̆ng hơdôm dêh čar phrâo pơđĭ kyar. Amăng hrơi mông dŏ mă bruă ƀơi dêh čar Brazil, Khua dêh čar ơi Phạm Minh Chính hơmâo lu mông bưp nao rai, bơkơtuai hăng khua mua kơnuk kơna hơdôm dêh čar, bơnah ngă hrŏm, sang bruă sĭ mơdrô pơprong...., djru hrŏm kiăng kơtưn hloh ba glăi boh tŭ yua bơwih ƀong huă, sĭ mơdrô brơi kơ mơnuih ƀôn sang hăng ƀing ngă bruă sĭ mơdrô.