Pơhiăp pok phun, Khua čih pioh UNCTAD Rebeca Grynspan pơdah pran jua lăp djă pioh kơ bôh than đĭ kyar mơ̆ng Việt Nam, hmâo 7% amăng 30 thun rơgao. Khua čih pioh UNCTAD pơtŏng sit bruă Jơnum Khua čih pioh UNCTAD 16 dưi pơphun ƀơi sa bôh dêh čar pơđĭ kyar hur har kơnang kơ pok bah amăng, mut hrŏm truh kih kah hăng Việt Nam pơđom pioh gru tŭ yua amăng rơwang phrâo mơ̆ng UNCTAD.

Amăng mông bơkơtuai, Khua dêh čar ơi Phạm Minh chính pơsit hơdôm tơlơi lông ră anai hăng sĭ mơdrô hăng pơđĭ kyar pơphun amăng đơ đam rŏng lŏn tơnah, bơdjơ̆ nao abih bang djop mơnuih, anun kiăng nao giăm abih bang mơnuih ƀôn sang, abih bang mơta hăng đơ đam rŏng lŏn tơnah, anun hơdôm bôh dêh čar khom kơtưn gum hrŏm, gum tơngan, kơdŏng glăi ƀing ngă pơgang mă hăng pơtrut sĭ mơdrô lu bơnah kơ pơđĭ kyar. Biă ñu pioh bŏng glăi hăng lu tơlơi lông anun, amăng rơnuk phrâo hơdeč hmar, Khua dêh čar lăi lĕ khom thâo “rơnuk phrâo hơdeč hmar” sa hơdră abih bang. Lăi rơđah pran jua Việt Nam “hmâo lăi lĕ ngă, hmâo pơkôl kĕ ngă tui”, Khua dêh čar ta ơi Phạm Minh Chính pơtŏng sit Việt Nam lăng yôm bruă pơphun bruă Jơnum UNCTAD 16 pioh čơkă khua pơ ala mơ̆ng djop anih anom kual./.