Tơring čar Ninh Bình lĕ  tơring čar dŏ gah dơnung ruăi lŏn dăo čor mơnai ia krông Hồng, anih anun yôm biă mă kơ bruă kơđi čar, bơwih ƀong huă hăng pơgang lŏn ia-rơnuk rơnua mơnuih ƀôn sang; jing bah amăng phun mut nao rai pơ dơnung nao pơ kual gah kơdư. Khua dêh čar pơčrâo rơđah, truh thun 2035, tơring čar Ninh Bình jing ƀôn prong gah dêh čar wai lăng, hơmâo lu anih anom gru grua hiam lŏn adai brơi rơbâo, rơbăn thun laih, ƀôn prong pơčeh phrâo; sa boh anih phun kơ bruă pơphun ĕp bruă mă pơčeh phrâo ia rơgơi.

Kiăng dưi ngă truh kih tơhnal bruă anun, Khua dêh čar pơtrun hiăp, tơring čar Ninh Bình khom đing nao, pơtum ngă tui pơhrui glăi hăng mă yua djơ̆ hơdră boh tơhnal dram gơnam djru amăng bruă mă, pơphun ngă tui kơtang hloh, pơtrut pran jua pơđĭ kyar phrâo kah hăng bơwih ƀong huă mơtah mơda kiăng pơjing rai gơnam hơdjă, pơgang ayuh hyiăng, bơwih ƀong huă mrô, bơwih ƀong huă pơhlôm akŏ klôn, bơwih ƀong huă kah pơpha, bơwih ƀong huă ia rơgơi tơlơi kơhnâo, bong glăi hăng anŏ pơblih ayuh hyiăng lŏn tơnah, pơđĭ kyar hơđong kjăp.