Pơlăi nao rai dơlăm hơdôm bruă amăng jar kmar, amăng kual, Khua mua hơdôm boh dêh čar pơsit tong tơlơi pơkă mơng ASEAN, lăi pơtong tơlơi yôm mơng bruă pơhlôm rơnuk rơnua, hơđong amăng kual ia rơsĭ Ngŏ, pơtrut ngă tui  djop hăng tŭ yua tơlơi pơkôl DOC hăng gir run ba tơbiă Tơlơi pơkă COC sit nik, tŭ yua, lăp djơ̆ hăng tơlơi phiăn jar kmar hăng UNCLOS 1982; dong yua ngă tui pran gơgrong mơng ASEAN amăng bruă djru Myanmar, pơtrut ngă tui tŭ yua Tơlơi tŭ ư hrŏm 5 mơta; hăng pơlăi nao rai tơlơi bơngŏt mơng blah ngă Nga-Ukraine, lăi pơtong ngă tui hơdôm tơlơi pơkă mơng phaih phiăn Sang gum hơbit djop dêh čar hăng tơlơi phiăn jar kmar.

Khua dêh čar ơi Phạm Minh Chính brơi thâo, tơdơi kơ rơbêh 50 thun  pơjing hăng pơđĭ kyar, aka ƀu ƀuh ASEAN hơmâo kơdrưh ang kah hăng glăk dong ƀơi anăp lu tơlơi lông ră anai. ASEAN lĕ akŏ phun amăng hơdôm tơlơi pơčeh pơlir hơbit  amăng kual, hăng ăt lĕ anih hơmâo lu bruă bơrơsua kơplah wah hơdôm boh dêh čar pơprong.