Ƀơi anih djă pioh gru grua yôm K9 - Đá Chông, Khua dêh čar hăng ƀing khua mua dưm guang bơnga, tŭi ñang hơ-ŭ hơdor, pơdah pran pơpŭ bơni hăng hơdôm tơlơi gum pơgôp prong prin mơng Khua mir sir Hồ Chí Minh, Khua git gai rơgơi kơhnâo mơng Ping gah, Kơnuk kơna hăng mơnuih ƀon sang Việt Nam; ñu hơmâo tuh rơyuh pran jua amăng bruă pơklaih rơngai lŏn ia, ba glăi tơlơi rơnuk rơnua hăng yâo mơ-ak kơ mơnuih ƀon sang Việt Nam hăng rŏng lŏn tơnah.

Khua dêh čar hăng ƀing khua mua ƀuăn amra gir hrăm hăng ngă tui kru hơdip hiam klă, tơlơi pơmin, bruă mă mơng Wa, pơgôp pơjing lŏn ia jai hrơi pơđĭ kyar, pơdrông asah, mơnuih ƀon sang jai hrơi trơi pơđao, yâo mơ-ak. Mông ngă lơphet pơphun tết pla kyâo lĕ bruă mă gưl dêh čar pok blung brơi tết pla kyâo amăng đơ đam dêh čar kiăng pok pơhai ngă tui jơlan hơdră “Brơi Việt Nam mơtah mơda” amăng thun 2023 hăng hơnong pơkă pla phrâo 22 klăk 500 rơbâo phun kyâo.