Amăng mông bưp, Khua dêh čar lăng yôm hơdôm tơlơi gum pơgôp mơng Khul čih pioh kual ASEAN laih dong Khu čih pioh  amăng bruă hrŏm amăng kual ASEAN; hok mơ-ak hăng pơpŭ bơni Khua čih pioh hơmâo tŭ ư hăng tơlơi jak iâu nao jơnum bruă pơgi kơdih kual ASEAN (AFF)  tal blung a hơmâo pơphun tui tơlơi rơkâo mơng Việt Nam; lăi pơtong Việt Nam lêng abih pran jua amăng tơlơi pơčeh anai hăng čang rơmang AFF jing jơnum pơlăi nao rai hơdôm tơlơi pơmĭn, tơlơi pơčeh pơtrut ngă hrŏm amăng kual, djru brơi hơdôm tal jơnum, hơdră bruă sit nik mơng kual ASEAN, pơgôp pơjing kual ASEAN gum pơgôp, gơgrong mă pô hăng pơđĭ kyar hơđong kjăp.

Ƀrô tal anai, Khua dêh čar hăng Khua čih pioh ăt pơlăi nao rai hơdôm bruă bơdjơ̆ nao phara ngă hrŏm amăng kual ASEAN kah hăng pơtrut hơdôm tơlơi gir run mơng Timor Leste tañ jing ding kơna amăng ASEAN, đĭ tui pran mă bruă mơng Khul čih pioh mơng kual ASEAN hluai tui bruă ruah ĕp mơnuih mă bruă bơdjơ̆ nao mơng hơdôm boh dêh čar, amăng anun hơmâo Việt Nam.