Khua dêh čar ơi Phạm Minh Chính lăng yôm, hăng tal rai čuă anai pơsit tong pran hơkrŭ glăi hăng pơđĭ kyar djop mơta, sit nik tơlơi rô nao rai, gru grua, giang mah hăng ngă hrŏm djop mơta kơplah wah Việt Nam hăng Cuba. Khua dêh čar pơpŭ hơ-ơč Cuba hơmâo pơphun truh kih tal plĕ hră. Việt Nam ăt pap mơñai mơn hơdôm tơlơi tơnap tal mơ̆ Cuba glăk bưp, Việt Nam lêng kơ dong yua Cuba amăng djop mơta bruă, amra tŏ tui djru brơi Cuba hơdôm tơlơi klă hloh tơdah dưi, ngă abih pran jua kiăng djru brơi Cuba tui tơlơi dưi, amra pơlăi nao rai tơlơi găn rơgao, amăng anun hơmâo bruă ngă hmua, hrưn đĭ bơwih ƀong hăng pơhlôm mơnong ƀong huă, rông akan hơdang…

Khua dêh čar čang rơmang dua bơnah pơtrut tơlơi rô nao rai ngă hrŏm jao hrơi kjăp; rơkâo tŏ tui pơlăi nao rai; hrưn đĭ tŭ yua amăng bruă ngă hrŏm hluai tui hơdôm hơdră amăng Jơnum bơkơtuai kơplah wah dua Ping gah, Jơnum min pơlir hơbit Kơnuk kơna kơ ngă hrŏm bơwih ƀong huă hăng boh thâo măi mok, pơlăi nao rai hơdră pơgang rơnuk rơnua.