Amăng mông bơbưp nao rai jê̆ giăm, đăo gơnang nao rai, Khua dêh čar ơi Phạm Minh Chính hok mơ-ak čơkă ơi Thẩm Hiểu Minh tal blung a rai čuă dêh čar Việt Nam lơ̆m ñu ngă Khua git gai Ping gah tơring čar Hải Nam. Khua dêh čar ơi Phạm Minh Chính pơsit tơlơi yôm mơng bruă rô nao rai amăng djŏp bruă kơplah wah Việt Nam hăng Khač laih anun kiăng dua bơnah ngă hrŏm hloh dong amăng djŏp bruă mă, biă ñu pơđĭ kyar sĭ mơdrô dưm kơnar, pok prong bruă tuh pơ alin, pơbưp mơnuih ƀon sang, rŭ glăi bruă ngă hrŏm tuai hyu ngui...

Kơ bruă ngă hrŏm amăng plơi pla, Khua dêh čar ơi Phạm Minh Chính kiăng tơring čar Hải Nam pơhiăp tom lu hloh hăng Ding jum, anom bruă, tơring tơrang ƀơi Việt Nam, amăng anun hơmâo ƀon prong Hồ Chí Minh hăng tơring čar Quảng Ninh; pơtrut ngă hrŏm klă bruă tuai hyu ngui, pơtruh nao rai jơlan, pơtô pơjuăt, ia jrao, ngui ngor gru grua đưm; ngă hrŏm pơgang ayuh hyiăng ƀu lăp, hyu ĕp mơnuih bưp tơlơi truh pơ ia rơsĭ, thâo pap ƀiă kơ mơnuih mă akan pơ ia rơsĭ, djru djă bong tơlơi rơngai, ngă hrŏm kơjăp ƀơi ia rơsĭ.