Pơsit yôm hơdôm rơwang bruă mơ̆ng grŭp, Khua dêh čar ơi Phạm Minh Chính đăo kơnang hơdôm Rơwang bruă anai amra gum hơgôp klă amăng tơlơi pơđĭ kyar amăng gơnong bruă Logistics mơ̆ng Việt Nam, ăt kah hăng tơlơi rô nao rai giăng mah gum hrŏm kơplah wah Việt Nam hăng Japan.

Gah pô, Khua dêh čar ơi Phạm Minh Chính rơkâo Grŭp Yamato Holdings tuh pơplai amăng bruă mă yua bôh thâo phrâo măi mok, pơplih phrâo pơčeh phrâo, pơplih mrô, pơplih mơtah, pơtô pơhrăm mơnuih mă bruă dŭ pơgiăng, tuh pơplai pơđĭ kyar hơdôm Anom logistics, prăk kak, hră pơgang, hơdră mă yua măi mok; gum hrŏm, djru gum, pơtô glăi hơdră mă yua măi mok hăng hơdôm bơnah Việt Nam, djru Việt Nam gum hrŏm dơlăm hloh amăng hơdôm bruă mơ̆ng kual hăng rŏng lŏn tơnah. Rôk ruai hăng Khua dêh čar ơi Phạm Minh Chính kơ tơhnal gal hăng pran kơtang mơ̆ng grŭp, ơi Nagao Yutaka brơi thâo, grŭp amra pơtô juăt mơnuih mă bruă, mă yua hơdră phrâo măi mok, pơplih mrô, bôh thâo phrâo mrô, bôh thâo pơčeh phrâo amăng pơđĭ kyar bruă dŭ pơgiăng, logistics ƀơi Việt Nam./.