Khua dêh čar ơi Phạm Minh Chính tŭ jum Khua hơđăp dêh čar Prang
Thứ ba, 14:41, 14/02/2023
VOV/Nay Jek pơblang
VOV/Nay Jek pơblang
VOV4.Jarai-Tlam lơ 13/2, Khua dêh čar ơi Phạm Minh Chính tŭ jum Khua hơđăp dêh čar Prang, ơi Eduord Philippe, ră anai ngă Khua ƀôn prong Le Havre hlăk rai čuă jơmư Việt Nam.
Ƀơi mông bưp, dua čô khua pơtong lăng bruă yôm giăng mah Việt Nam-Prang jai hrơi pơđĭ kyar tŭ yua, ƀuh ba glăi lu boh tơhnal amăng djop bruă, lăp đăo kơnang nao rai kơ bruă kơđi čar. Dêh čar Prang lăng, jing lŏn ia ngă hrom sĭ mơdrô, tuh pơ alin, djru pơđĭ kyar lu hloh pơkă hăng dêh čar pơkŏn ƀơi kual Mi kô̆ tuh pơ alin kơ Việt Nam.
Prăk tuh pơ alin sĭ mơdrô dua bơnah hlăk rŭ glăi tơdơi kơ tal klin kheng Covid 19 ngă, rơnoh prăk pơhrui glăi rơbêh 5,3 klai euro thun 2022, đĭ tui 10% pơkă hăng thun 2021. Ră anai, dua boh dêh čar dŏ lu tơlơi gêh găl pơtrut bơwih ƀong huă pơ anăp adih, biă mă ñu tơdơi kơ Hră pơkôl sĭ mơdrô rơngai Việt Nam-EU (EVFTA) dưi ngă tui mơtam.
Viết bình luận